فانا اخجل اصارح احد فيها او اسال عنها حتى والدتي واختي ...
مشكلتي زوجي .. احبه و يحبني بجنون متزوجين من خمس سنوات وكم شهر عندي ولد عمره سنة جامعيين غير موظفة انا .. عمري 26 و هو 34 سنة .. متدينة وهو كذلك يعني الحمدلله وضعنا جيد مع بعض المخالفات طبعا..
زوجي يطلب مني طلبات غريبة وتضايقني احيانا مع اني احرص على رضاه لكن صعب يطلب مني دائما انام معاه عريانه حتي لو دون جماع بس كذا وهو يكون لابس بجامه .. في البداية كنت اطيعه لكن ولدي كبر واخاف يتعود على كذا او بيوم يفهم علينا .. يزعل يوم كامل اذا خالفت او حتى كنت لابسه لانجري لو انه بسيط وما يستر لكن يرفض جدا بدات اتحسس من هذا الشي ...يعني بغرفة النوم انسى شي اسمه ملابس ..
كل يوم و يزعل بشدة على هالشي التافه .. حتى لما نكون بالصالة نسهر نفس الطلب طبعا يكون هو جنبي حاضني واذا زعل ما يرضي الا اراضيه بالجنس وابادره انا واداعبه بجراءة وعذرا على دي الكلمة
يحب يعرف كل شي خاص جدا عني حتى الدورة و الفوط و نظافة المنطقة يدخل فيها ولما اكشف عند الطبيبة يدخل معي و يحرجني جدا ...
احسني بنته مو زوجته يشيل ملابسي بنفسه ويلبسني بنفسه حتى عند الطبيبة .. احراااااج جدا ... صرت اعانده غصب عني اخاف الولد يكبر وهو ما ترك دى العادة جاء وانا لابسه لانجري بسيييييط جدا طالعني وطلع وراح ينام بالمجلس طنشته يوم يومين ثلاثه وهو ما يكلمني ابدا ولا ياكل معي ولا يطالعني حتى
فانا ما تحملت قلت له ليش كدا ؟! يعني على شي تافه صارخ علي وسبني و طردني من الغرفة و قفلها عل نفسه .. وقال راح اتزوج غيرك .. خفت يسويها
تعبت جدا وجلست ابكي منه فقام طلع من الغرفة وقال انتي اللي تعانديني وطلع وتركني يوم كامل ما راجع .. ولما رجع كنت نايمة بالغرفة فطنشني و راح المجلس كالعادة ... رحت وراه قالي اطلعي برا اعتذرت له فعادها علي قال اطلعي برا وقلت انا ما ابغى اطلع احبك و حرام تسوي كذا ... احسني مو انسانة الا جسد بس ومتعة تتفرج فيها .. قام ضربني و قال انتي قليلة ادب ومو متربية ...........
ورحت لاهلي طبعا ما قلت لهم جلست اسبوع بعدها دق عليه وقال انزلي انا تحت .. قلت ما ابغى انزل انا مو لعبة ترميها و ترجع تاخذها .. كلم ابويا و ابويا خلاني انزل واروح معاه .......
بس الى الان وهو ينام بعيد عني و ما يكلمني الا بحدود و لضرورة بس ..
